Ministrja e Brendshme e Gjermanisë, Nancy Faeser (SPD), ka paraqitur një plan të ri për trajtimin e refugjatëve nga Siria, pas rrëzimit të regjimit të Bashar al-Assadit. Ky plan përfshin heqjen e të drejtës për mbrojtje dhe largimin e disa prej refugjatëve që nuk kanë më nevojë për mbrojtje ndërkombëtare, duke pasur parasysh stabilizimin e situatës në Siri.
Faeser theksoi se do të shqyrtohen individualisht rastet e refugjatëve, dhe Zyra Federale për Migracionin dhe Refugjatët do të ndërmarrë kontrolle për të anuluar mbrojtjen për ata që nuk kanë më arsye për të qëndruar në Gjermani. Sipas saj, personat që nuk duan të kthehen vullnetarisht në Siri do të përballen me mundësinë e deportimit.
Ministrja theksoi se plani i qeverisë përfshin katër pika kryesore: mbështetje për ata që janë të integruar mirë dhe duan të qëndrojnë, mundësi kthimi vullnetar për ata që dëshirojnë të kthehen, dëbimin e kriminelëve dhe islamistëve, dhe një shpresë për paqe dhe stabilitet në Siri që mund të mundësojë kthimin e refugjatëve.
