Kongresi certifikoi zyrtarisht fitoren e presidentit të zgjedhur Trump në zgjedhjet e vitit 2024 duke e çuar atë një hap më pranë marrjes së Zyrës Ovale në fund të këtij muaji. Trump fitoi zgjedhjet me 312 vota elektorale dhe do të bëjë betimin më 20 janar.
Zëvendëspresidentja Kamala Harris kryesoi certifikimin e fitores së Trump, pasi humbi ndaj tij në zgjedhjet e nëntorit.
Me anë të një video-mesazh që u publikua përpara certifikimit Harris u tha shikuesve: “Transferimi paqësor i pushtetit është një nga parimet më themelore të demokracisë amerikane. Ashtu si çdo parim tjetër, është ajo që e dallon sistemin tonë të qeverisjes nga monarkia apo tirania”.
Ndërsa Trump tha në Truth Social përpara certifikimit, “Kongresi certifikon sot fitoren tonë të madhe të zgjedhjeve-një moment i madh në histori”.
