Kryeministri Edi Rama ka zhvilluar një takim me kryesinë e Partisë Socialiste dhe drejtuesit politikë të qarqeve, ku diskutimi kryesor ishte përgatitja për zgjedhjet parlamentare të 11 majit. Fokusi i këtij takimi ishte rritja e pjesëmarrjes së diasporës, e cila do të ketë mundësinë të votojë për herë të parë në këto zgjedhje.
Për këtë arsye, Rama ka kërkuar nga strukturat e PS-së që të krijojnë një databazë me kontaktet e emigrantëve, duke synuar maksimizimin e numrit të votuesve nga jashtë dhe angazhimin e tyre në favor të mazhorancës.
Procesi i regjistrimit për emigrantët pritet të fillojë së shpejti dhe PS është duke e përgatitur terrenin për një fushatë të fuqishme në diasporë.
