Kreu i Partisë Demokratike Sali Berisha ka reaguar në lidhje me denoncimin e tij për deputetin socialist Pandeli Majko.
Deputeti socialist ka kërkuar nga kryetarja e Kuvendit që të kërkohet informacion nga SHISH në lidhje me akuzat e hedhura nga Berisha.
“Majko kërkoi strehim politik tek Pëllumbesha Spirogjoka. Bravo Pandi!
Të dashur miq, denoncimi im dje, për të katërtën herë i dosjese së krimit elektoral në Kukës, zgjoi më në fund Z. Majko. Theksoj dhe një herë se kjo dosje është e bazuar në regjistrimin ambiental, që implikon direkt Pandeli Majkon, Alban Çelën, Drejtorinë e OSSHE-së të Qarkut Kukës etj… në të cilën vertetohet tenderi me shtylla centrifugale prej rreth 800 mijë euro dhe shpërndarja e tyre për fushatë elektorale në Qarkun Kukës dhe Qarkun Durrës. Sugjerim! Z. Majko mos pyet Pellumbeshën për virgjërinë tënde se ajo është shumë zenë në betej me Lubi Ballukun e Nesti Ramën, që i hëngrën kokën Lal Vjedhësit, por shko merr dosjen në arkivën e “SKAPIT të Partisë”.”, shkruan Berisha.
Akuzat e Berishës/ Majko: Dorëzoj çdo imunitet, kërkoj info nga SHISH
