Mëngjesin e sotëm një ngjarje e rëndë ka ndodhur në Gjenova të Italisë, ku dy motra shqiptare kanë rënë nga kati i katërt i një pallati.
Njëra nga motrat 32-vjeçarja ka humbur jetën, ndërsa motra tjetër 36 vjeç është lënduar. Ajo menjëherë është dërguar në spitalin San Martino në Gjenova dhe ndodhet në gjendje të rëndë.
Dyshohet se kjo ishte një tentativë vrasjeje e njërës nga motrat, ku tjetra ka tentuar që ta parandalonte duke rënë edhe vetë. Gjithashtu dyshohet se mund të ketë qenë një tentativë e dyfishtë e vetëvrasjes.
Sipas mediave italiane, viktima kishte katër fëmijë dhe në atë moment ndodheshin në shtëpi. Ajo me 10 janar do të kishte një seancë gjyqësore për kujdestarinë e fëmijëve pasi ishte ndarë nga ish bashkëshorti për keqtrajtim. 32-vjeçarja kishte frikë se fëmijët do ti besoheshin atij dhe ditën e djeshme kishte shkruar në rrjete sociale shprehjen “Zoti më pret”.
