Gjendja e Kryepeshkopit Anasats Janullatos është përmirësuar. Kryepeshkopi prej pesë ditësh ndodhet në spital në Athinë për mjekim më të specializuar për shkak të probleme shëndetësore.
Ditën e sotme ai u vizutua në spital nga hierarkë të Sinodit të Shenjtë të Kishës së Greqisë. Ata i kanë uruar shërim të shpejtë dhe kryepeshkopi Anasatas i ka falenderuar të gjithë ata që janë lutur për shërimin e tij.
“Në emër të Sinodit të Kishës Orthodhokse të Greqisë, Hirësitë e tyre Mitropolitët e Nafpaktës dhe Shën Vlashit z. Jerothe dhe të Dhimitriadhës dhe Almirës z. Ignat vizituan sot Fortlumturinë e Tij, Kryepiskopin Anastas, të cilit i përcollën dashurinë e Fortlumturisë së Tij, Kryepiskopit të Athinës, z. Jeronim dhe lutjet e uratat e Etërve të Sinodit të Shenjtë të Greqisë për rikthimin e shëndetit të tij.
Fortlumturia e Tij, Kryepiskopi Anastas falenderoi përzemërsisht anëtarët e Sinodit të Shenjtë, duke përmendur më tej se u është sinqerisht mirënjohës të gjithë atyre që luten për shërimin e tij të shpejtë”, thuhet në postim.
