Një konflikt ka shpërthyer mes dy familjeve, Shaba dhe Kapllani, për pronësinë e një trualli në fshatin Romanat të Durrësit.
Edhe pse çështja është ende në gjykatë, zënia e tokës ka shkaktuar tensione dhe pengesa për banorët e tjerë të zonës. IMT Durrës ka ndërhyrë për të liruar sipërfaqen që është zënë nga këto familje.
Bashkia Durrës ka konfirmuar se trualli është tokë shtetërore dhe se është zënë ilegalisht nga familja Kapllani. Për këtë arsye, IMT ka dërguar një kërkesë zyrtare për lirimin e tokës.
Disa anëtarë të familjes Kapllani janë shoqëruar nga policia, ndërkohë që tensionet mes palëve vazhdojnë.
