Viti i ri shkollor ka nisur ditën e djeshme për shumë nxënës, por në shkollën “Met Hasa” në Porto Romano në Durrës jo. Kjo për arsye të mungesës së transportit të nxënësve deri në shkollën pritëse pasi shkolla e tyre po rikonstruktohet.
Ditën e sotme kanë protestuar prindërit e rreth 180 nxënësve dhe shprehin pasiguritë për fëmijët e tyre për të shkuar në shkollën “Neim Babameto”. Prindërit kanë paralajmëruar bojkot derisa zyra arsimore të caktojë një transport të dedikuar për këta nxënës.
Ndërsa drejtues të ZVA Durrës kanë lajmëruar prindërit dhe nxënësit se duhet të shkojnë në shkollën pritëse me linjën e urbanit, Porto Romano-Spitallë.
