Shtyhet vendimi për kalimin për gjykim apo jo të dosjes së deputetit socialist Plarent Ndreca. Të pandehurit vetë dhe përmes avokatëve dhanë konkluzionet e tyre gjatë seancës së sotme tek Gjykata e Posaçme. Seanca e radhës ku do të vijohet me pjesën tjetër do të mbahet më 23 janar në orën 13:00.
Plarent Ndreca akuzohet për shkelje të barazisë në tendera, dhe vepra penale ka të bëjë me kohën kur ushtronte detyrën e sekretarit të përgjithshëm të Ministrisë së Brendshme.
SPAK thotë se një grup zyrtarësh të udhëhequr nga Plarent Ndreca, në cilësinë e titullarit të autoritetit kontraktor, favorizuan Gjon Radovanin në shkelje me ligjin që të fitonte tenderin.
