56-vjeçari Bujar Nasufi u vra me armë zjarri teksa ishte në makinë pasi ka dalë nga biznesi i tij. Ai së bashku me vëllanë ishte pronarë i një mobilerie në zonën e “Pallatit me Shigjeta”, zonë ku iu bë dhe atentati.
Autorët kanë qëlluar drejt viktimës dhe më pas janë larguar me motor drejt Selitës. Ndërsa dëshmitarët kanë parë mjetin e viktimës të ndaluar.
Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit.
Vrasja e 56-vjeçarit në Tiranë, autorët largohen drejt Selitës
