Deputeti i PD-së, Agron Gjekmarkaj denoncon se mijëra familje në Lezhë janë pa energji elektrike, ndërsa pushteti, sipas tij vazhdon me propagandën.
“Mijëra familje janë pa energji elektrike prej dy netësh në të gjithë Qarkun e Lezhës. Ende më e rëndë situata në familje që kanë të sëmurë, fëmijë dhe të moshuar. Asnjë propagandë e pushtetit nuk e justifikon situatën.
Lezha pa energji elektrike në verë për shkak të “mbingarkesës” dhe pa energji elektrike në dimër për shkak “motit të keq”, është e dënueshme.
I bëj thirrje OSHEE dhe ministres Balluku të dërgojë në Lezhë, Mirditë dhe Kurbin grupe shtesë pune për të risjellë energjinë elektrike.
Kjo situatë dëshmon mbi të gjitha denoncimet e PD mbi mungesën e investimeve në Lezhë dhe mbarë Shqipërinë si dhe abuzimet me fondet për energjinë elektrike” shkruan ai.
