Gjykata e Posaçme i komunikon arrestin në burg Kreshnik Farukut (Budlla). Gjithashtu edhe dy anëtarëve të tjerë të organizatës kriminale, Julian Kollaçakut dhe Maksim Ndoçit. K
Kreshniku i njohur si kreu i klanit “Farruku” akuzohet për trafik droge në Itali. Në fillim ai u vetëdorëzua në policinë e Durrësit dhe më pas me urdhër të SPAK u arrestua të premten dhe tani ndodhet në burg.
Gjatë seancës gjyqësore, Kreshniku ka thënë: “Nuk jam unë ai që pretendoni”.
Në fund të muajit dhjetor janë konfiskuar 27 pasuri të klanit Farruku për arsye të dyshimeve se janë përfituar nga aktivitete kriminale, duke përfshirë trafikimin e drogës dhe pastrimin e parave. Dy vëllezërit Kreshniku dhe Erneo Farruku drejtojnë klanin Farruku, grup që u godit në Spanjë në vitin 2023 pas një megaoperacion kundër trafikut të kokainës.
