Në qarkun e Dibrës situata vazhdon të jetë problematike për shka të reshjeve të dendura të dëborës. Rruga e Arbrit është ende e bllokuar dhe në Bypass-in e Murrizit një makinë ka mbetur e bllokuar me tre persona brenda. Ndërkohë një fadromë është nisur për të mundësuar qasje në zonën e Bypass-it.
Gjithashtu shumë njësi administrative në Qarkun e Dibrës janë të bllokuara, përfshirë Lurën, Kalajën e Dodes, Selishtën, Ostrenin dhe Trebishtin, ku lartësia e borës ka arritur deri në 70 cm.
Në disa fshatra ka munguar energjia elektrike për më shumë se 24 orë dhe mësimi nuk do të zhvillohet.
