Komiteti i Investimeve Strategjike i drejtuar nga kryeministri Edi Rama i dha statusin investitor strategjik kompanisë së lidhur me Jared Kushner për ndërtimin e një resorti turistik në ishullin e Sazanit, pak ditë përpara ngjitjes së presidentit Trump në Shtëpinë e Bardhë. Por cfarë mendon Sali Berisha? Ish-kryeministri u përgjigj sot.
“Prej nga viti 2001 e deri më sot, Sazani u është ofruar biznesmenëve të huaj në mënyrë periodike, kjo është oferta e radhës që Rama e bëri për të blerë influenca politike. Por një ofertë që plotëson rregullat ligjore, ne nuk i kundërshtojmë nëse nuk kundërshtojnë rregullat dhe ligjet e vendit, pavarësisht se Rama e ka përdorur për qëllime politike” tha ai.
