Zëdhënësja e OBSH-së, Margaret Harris, ka deklaruar se virusi respirator Metapneumovirusi Njerëzor (HMPV), që po përhapet në Kinë, nuk paraqet kërcënim për një pandemi.
Ajo theksoi se HMPV është një virus i zakonshëm që shkakton simptoma të lehta ftohjeje dhe ka ekzistuar për një kohë të gjatë. Harris sqaroi se virusi përbën vetëm 5% të rasteve respiratore në Kinë, ndërsa shumica janë të lidhura me gripin sezonal.
Ajo bëri thirrje për trajtim simptomatik dhe vaksinim, sidomos për grupet e rrezikuara, duke theksuar se aktualisht nuk ka shenja të emergjencës shëndetësore.
