Lulzim Basha ka ndërmarrë një lëvizje të papritur për të siguruar një parti për të garuar në zgjedhjet e 11 majit, duke ‘blerë’ përkohësisht Partinë Konservatore.
Ai ka dorëzuar një kërkesë në Gjykatën e Tiranës për ndryshimin e emrit të kësaj partie në “Koalicioni Euro-Atlantik”. Ky veprim është bërë për të mundësuar përfaqësimin në zgjedhje, pasi Basha aktualisht po lufton për kontrollin e Partisë Demokratike pas vendimit të Gjykatës së Apelit që i dha vulën Sali Berishës.
Në dokumentet e siguruara, bëhet e qartë se Basha nuk do të jetë kryetari i këtij koalicioni, por do t’ia besojë drejtimin Endri Hasës, një prej besnikëve të tij.
