Kryeministri Edi Rama ka ndarë në rrjetet sociale pamje nga Kuvendi Rinor Socialist në Gjirokastër, një ngjarje që është pjesë e një cikli të Kuvendeve Rinore që po zhvillohen në gjithë Shqipërinë.
Këto kuvende do të kulmojnë me Kuvendin Kombëtar për Shqipërinë 2030 më 1 shkurt. Gjatë fjalës së saj, ministrja e Turizmit dhe Mjedisit, Mirela Kumbaro, ka theksuar transformimin e Gjirokastrës gjatë qeverisjes socialiste dhe ka vlerësuar energjinë dhe ndikimin pozitiv të turizmit në zhvillimin e qytetit.
Ajo ka bërë apel për mbështetje të projektit të Shqipërisë 2030, duke i ftuar të rinjtë të votojnë në 11 maj për të kontribuar në realizimin e këtij vizioni, duke u bërë liderët e ardhshëm të këtij projekti.
