Sot, Greqia nderon Kryepeshkopin e ndjerë të Shqipërisë, Anastas Janullatos, me një shërbesë liturgjie hyjnore në Mitropolinë e Athinës. Shërbesa do të kryesohet nga Mitropoliti i Nafpaktos, Jerotheosi, ndërsa pas përfundimit, Kryepeshkopi i Athinës, Jeronimos, do të mbajë një shërbesë për shpirtin e të ndjerit.
Në këtë ngjarje do të marrin pjesë figura të larta politike, përfshirë kryeministrin Kyriakos Mitsotakis dhe kryetarin e PASOK-ut, Nikos Androulakis. Trupi i kryepeshkopit të ndjerë do të qëndrojë për nderime publike në Katedralen e Shenjtë të Athinës deri të hënën, kur do të transportohet në Shqipëri për homazhe dhe shërbimin e varrimit që do të zhvillohet më 30 janar në Tiranë.
Pas ndarjes nga jeta të Anastas Janullatos më 25 janar, Mitropoliti i Korçës, Joani, është emëruar përkohësisht si Mbikëqyrës i Fronit Kryepiskopal.
