Presidenti amerikan, Donald Trump ka deklaruar se planifikon të vendosë tarifa deri në 100% për çipat dhe gjysmëpërçuesit e importuar nga prodhues të huaj, përfshirë Tajvanin.
Ai gjithashtu ka premtuar të vendosë tarifa gjithëpërfshirëse për produktet farmaceutike dhe çelikun, me qëllimin për të detyruar prodhuesit të zhvendosin prodhimin në SHBA.
Trump tha se administrata e tij do të zbatojë tarifat “në të ardhmen shumë të afërt” për të kthyer prodhimin e këtyre mallrave thelbësore në SHBA.
Ai argumentoi se prodhimi i çipave dhe gjysmëpërçuesve është zhvendosur në Tajvan, që sot kontrollon rreth 98% të tregut të çipave.
