Trupi i pajetë i Kryepeshkopit Anastas Janullatos ka mbërritur në Gjirokastër, ku dhjetëra besimtarë e kanë pritur arkëmortin në Katedralen “Ngjallja e Krishtit”.
Aty janë zhvilluar homazhe në nder të Kryepeshkopit dhe ka nisur mesha e përshpirtjes, ku besimtarët luten për shpirtin e tij.
Në Tiranë, trupi i pajetë do të mbërrijë rreth orës 16:00, ndërsa homazhet do të zhvillohen për dy ditë rresht. Policia ka njoftuar bllokimin e disa rrugëve deri më 30 janar për të siguruar mbarëvajtjen e ceremonive. Ceremonia mortore do të zhvillohet të enjten në orën 11:00.
Masat e policisë për homazhet e Kryepeshkopit Anastas në Tiranë
