Një ngjarje e rëndë ka ndodhur në Milano, Itali, ku një 16-vjeçare ka lindur në apartament foshnjën e saj. Më pas 16-vjeçarja e ka fshehur trupin e pajetë të bebes së porsalindur në një kovë qe mbante në ballkonin e shtëpisë.
Mediat italiane shkruajnë se ende nuk dihet nëse foshnja ka lindur e vdekur apo u vra nga nëna 16-vjeçare.
Rezultatet e ekspertizës mjekoligjore do të zbardhin shkakun e vdekjes së foshnjës. Ndërkohë 16-vjeçarja dhe nëna e saj janë arrestuar. Në momentin e lindjes në banesë ka qenë vetëm nëna e 16-vejçares.
Gjithashtu po vijojnë hetimet e policisë për zbardhjen e plotë të rrethanave të ngjarjes, që ka tronditur mbarë opinionin publik në Itali.
