Prokuroria pranë Gjykatës së Shkallës së Parë Tiranë ka dërguar për gjykim dy specialistë të sektorit të inxhinierisë klinike të QSUT-së, E.K. dhe E.Sh., për veprën penale “Shpërdorim detyre”.
Hetimet lidhen me ngjarjen e datës 29 shkurt 2024, kur një zjarr shpërtheu në katin e dytë të godinës së “Urgjencës së Re” të QSUT-së, në dhomën teknike. Prokuroria ka arritur në përfundimin se specialistët nuk zbatuan rregullat dhe detyrat e përcaktuara për funksionimin dhe mirëmbajtjen e aparaturave, veçanërisht të UPS-ve dhe baterive.
Sipas hetimeve, ata ishin në dijeni të instalimit të papërshtatshëm të këtyre pajisjeve, që çoi në shkatërrimin e godinës nga zjarri.
