Një tragjedi ajrore ndodhi në Aeroportin “Ronald Reagan” të Uashingtonit, ku humbën jetën 67 persona, përfshirë 60 pasagjerë dhe 3 ushtarë që udhëtonin në helikopterin Sikorsky H-60.
Presidenti Donald Trump, në një postim në rrjetet sociale, deklaroi se helikopteri “po fluturonte shumë më lart se kufiri i lejuar”. Ai shtoi se “helikopteri Blackhawk ka kaluar normat e lejuara të lartësisë, duke bërë një ngjitje të shpejtë.”
Përplasja ndodhi ndërsa avioni Bombardier i American Airlines po afrohej për të ulur në aeroportin Ronald Reagan. Sipas Sean Duffy, Sekretarit të Transportit, “përplasja mund të ishte shmangur.” Zyrtarët e FAA raportuan se helikopteri ishte duke kryer një fluturim rutinë stërvitor gjatë natës dhe që të gjithë ushtarët në bord ishin të pajisur me syze për shikimin në errësirë.
Në lidhje me hetimet, John Donnelly, shefi i Departamentit të Zjarrëfikëses, tha: “Nuk besojmë se ka ndonjë të mbijetuar.” Ai konfirmoi gjithashtu se operacioni po kalonte nga shpëtimi në kërkimin e trupave të pajetë, pasi trupa u nxorën nga ujërat e akullta të lumit Potomak.
