Kryeministri kanadez Justin Trudeau ka paralajmëruar se Kanadaja është e gatshme të reagojë me kundërmasa të menjëhershme dhe të fuqishme nëse Donald Trump zbatoi kërcënimin e tij për të vendosur tarifa mbi importet nga Kanadaja dhe Meksika.
Trump kishte paralajmëruar tarifa deri në 25%, që mund të rriten me kalimin e kohës. Trudeau theksoi se Kanadaja do të veprojë në mënyrë të arsyeshme nëse SHBA ecën përpara me këtë masë.
“Nëse presidenti zgjedh të zbatojë ndonjë tarifë kundër Kanadasë, ne jemi gati me një përgjigje, një përgjigje të menjëhershme dhe të fuqishme, por të arsyeshme. Nuk është ajo që duam, por nëse ai ecën përpara, ne gjithashtu do të veprojmë”.
