Autoritetet shëndetësore në Rumani po përballen me një situatë të paprecedentë për shkak të rasteve me grip.
Vetëm në një javë, Instituti Kombëtar i Shëndetit Publik raportoi për rreth 134 mije raste të infeksionit respirator të lidhur me gripin, më shumë se 6% në krahasim me javën e kaluar. Deri më tani kanë humbur jetën 22 persona, mes tyre edhe një fëmijë 3-vjeçar.
Ministri i Shëndetësisë Alexandru Rafila tha se të gjithë viktimat ishin persona që nuk kishin bërë vaksinën e gripit.
Zyrtarët shëndetësorë po u bëjnë thirrje qytetarëve që të ndërmarrin masat parandaluese, duke përfshirë marrjen në konsideratë të vaksinës së gripit.
