Dy vëllezër të moshuar janë gjetur të pajetë ditën e sotme në një shtëpi në Mallakastër. Ende nuk dihen rrethanat e ngjarjes në fshatin Çorrush të Mallakastrës.
“Rreth orës 11:00, në fshatin Çorrush, Mallakastër, në banesën e tyre, janë gjetur pa shenja jete shtetasit S. V. 90 vjeç dhe N. V. 85 vjeç (vëllezër) të cilët jetonin të vetëm.
Paraprakisht nuk dyshohet për ngjarje kriminale. Grupi hetimor po punon për sqarimin e rrethanave dhe përcaktimin e shkakut të vdekjes” njofton policia.
