Kryeministri Edi Rama është i vendosur për krijimin e shtetit bektashi. Në një komunikim në rrjetet sociale, Rama tha se krijimi i shtetit bektashi nuk nënkupton copëtimin e territorit, duke sjellë si shembull Italinë. Rama shtoi se shteti Bektashi nuk do të ketë polici dhe dogana dhe do t’i përgjigjet Kushtetutës së Shqipërisë.
“Jo nuk ka copëtim. Italia ka tre struktura brenda për brenda. Në rastin tonë nuk është ideja e shtetit që konceptonit ju. Nuk bëhet fjalë për të ndërtuar një shtet ashtu siç e mendoni ju. Nuk bëhet fjalë për gjëra të kësaj natyrë, bëhet fjalë për entitet pa dogana taksa polici. Në të gjitha aspektet i përgjigjet Kushtetutës së Shqipërisë”, tha Rama.
