Policia e Durrësit ka arrestuar tre persona dhe ka proceduar penalisht tre të tjerë, të cilët u kapën në flagrancë duke luajtur lojëra fati dhe baste sportive përmes celularëve.
Pas kontrolleve intensive në lokale të ndryshme, janë sekuestruar katër celularë të përdorur për këtë aktivitet të paligjshëm. Gjithashtu, është arrestuar një 32-vjeçar i shpallur në kërkim për veprën penale të “Organizimit të lojërave të fatit”.
Veprimet vijojnë për të goditur veprimtarinë e paligjshme të lojërave të fatit në rajon. Materialet janë referuar në Prokurori për veprime të mëtejshme.
