Gjykata e Lezhës ka liruar nga qelia tre punonjësit e burgut të Shënkollit, të cilët u arrestuan pas arratisjes së 49-vjeçarit Daut Laze.
Seanca gjyqësore është zhvilluar me dyer të mbyllura dhe tre punonjësit kanë deklaruar se nuk e kanë konstatuar Duat Lazen kur është arratisur nga burgu.
Gjykata u ka caktuar masat e sigurisë “Arrest në Shtëpi” për Gjin Ndokën punonjës shërbimi në kupole dhe Mark Nikolli punonjës ne sektor (grup sigurie). Ndërsa për(operatore kamerave) Zhaneta Mella u vendos masa e sigurisë “Detyrim Paraqitje”.
I dënuari Daut Laze u arratis nga burgu në mbërmjen e 3 shkurtit dhe ai rezulton me probleme të shëndetit mendor, 49-vjeçari ka dalë për ajrim dhe më pas është mbështetur tek muri mbi 4 metra i lartë në anën jugore të burgut, duke e kapërcyer dhe është larguar.
