Partia Demokratike zhvillon protestën e saj të sotme përpara Kryeministrisë, ndërsa Policia e Tiranës ka marrë masa të forta për sigurinë.
Kryepolici Ilir Proda ka kërkuar nga vartësit që të ruajnë qetësinë dhe të mos bien në provokime nga protestuesit. Ai theksoi se ndërhyrjet duhet të jenë të kufizuara vetëm kur është e domosdoshme, për të shmangur përplasjet.
Për protestën janë angazhuar mbi 1200 forca policie, përfshirë përdorimin e mjeteve si maska kundragaz dhe autobotë uji.
