Agjencia për Informim dhe Privatësi i ka bërë thirrje Komisionit Qendror të Zgjedhjeve që gjatë procesit të votimit në Kosvovë të sigurojë vendosjen e kamerave të sigurisë dhe kabinave të votimit në përputhje të plotë me Ligjin për mbrojtjen e të dhënave personale.
Kjo për arsye të shmangies së çdo cenimi të privatësisë së qytetarëve dhe fshehtësisë së votës.
Gjithashtu agjenscia i ka bërë thirrje partitë politike për mbrojtjen e të dhënave personale të qytetarëve në komunikimet nëpërmjet postës elektronike (e-mail), mesazhet (SMS) dhe thirrjeve telefonike, pa pëlqim paraprak.
Agjencia për informim dhe Privatësi thekson se çdo shkelje e parimeve të mbrojtjes së të dhënave personale do të trajtohet në përputhje me Ligjin për mbrojtjen e të dhënave personale dhe kompetencat ligjore të Agjencisë.
