“Demokracia në Veprim” ka publikuar rezultatet paraprake të zgjedhjeve në Kosovë. Duke monitoruar procesin, sipas DnV-së këto janë rezultatet e zgjedhjeve në 98% të votave të numëruara.
VV – 40.04%
PDK – 21.07%
LDK – 17.5%
AAK-NSIMA – 7.2%
Demokracia në Veprim, rrjet i organizatave që monitorojnë zgjedhjet në Kosovë tha se pjesëmarrja në zgjedhje ishte 42.1 për qind, me margjinë gabimi prej 0.84%.
28 subjekte politike me 1.280 kandidatë konkurrojnë sot për mbështetjen e rreth dy milionë votuesve për të siguruar ulëset në parlamentin 120 vendesh të Kosovës në zgjedhjet e sotme parlamentare.
Njëzet nga këto vende u takojnë pakicave kombëtare nga të cilat dhjetë janë për komunitetin serb, nga radhët e të cilit konkurrojnë gjashtë subjekte politike.
Procesi i votimit është mbyllur në 19:00. 940 qendra votimi ishin të hapura që prej orës shtatë të mëngjesit, ndërsa mbi 100 të dërguar të Bashkimit Evropian dhe 18 nga Këshilli i Evropës ishin vëzhgues të procesit.
Zgjedhjet e së dielës janë të nëntat me radhë që nga përfundimi i luftës së viteve 1998-1999 që mori fund me ndërhyrjen e NATO-s.
Numërimi i kutive të qendrave të votimit vijon ende, ndërsa kanë dalë edhe rezultatet e para të exit poll-eve.
