Mesfushori gjerman Leon Goretzka, kontrata e të cilit me Bayern Munich pritet të skadojë në fund të këtij sezoni, mund të bëhet pjesë e Milanit.
Pas disa spekulimeve rreth të ardhmes së tij, shumë klube të mëdha po e ndjekin lojtarin, ndërsa Milan ka përparuar më shumë në diskutimet me të.
Sipas informacioneve të fundit, Milan po shqyrton mundësinë t’i ofrojë Goretzkës një kontratë të majme, me një pagë prej 5 milionë eurosh neto për sezon dhe një marrëveshje që do të zgjaste deri në 30 qershor 2029.
Goretzka, i cili ka qenë pjesë e Bayern Munich që nga viti 2018, kur erdhi nga Schalke, mund të jetë një përforcim i rëndësishëm për Milanin në sezonet që vijnë.
