Policia e Durrësit ka ndaluar Leandro Dervishin, hartografin 35-vjeçar të Kadastrës, i cili ishte shpallur në kërkim për shpërdorim detyre.
Dervishi u ndalua pas një vendimi të Gjykatës së Durrësit, e cila i ka caktuar masën e sigurisë “arrest në burg” në kuadër të hetimeve për regjistrimin e një prone me dokumente false në Lalëz.
Ai dyshohet se ka shpërdoruar detyrën si hartograf në Agjencinë Shtetërore të Kadastrës (ASHK) Durrës. Policia njofton se hetimet për këtë çështje janë ende në vazhdim.
