Kryeministri Edi Rama ka komentuar rolin e Altin Dumanit, kreut të SPAK, duke theksuar se ai ka pasur mundësinë të luftojë korrupsionin edhe në periudhën kur ishte prokuror i zakonshëm.
Rama theksoi se Dumani ka pasur dosjen e “21 Janarit” në tavolinë dhe mundësinë të bëntë më shumë për të luftuar korrupsionin në atë periudhë.
“Altin Dumani, që është drejtues i SPAK e ka pasur 21 janarin në tavolinë dhe më parë kur ka qenë prokurori të zakonshme, ka qenë prokuror i 21 janarit. Ka pasur mundësi të luftojë dhe atëherë korrupsionin. Dini gjë që të ketë bërë luftë kundër korrupsionit ti ketë dalë emri sic i ka dalë tani. Jo se ka qenë e pamundur. Drejtësia ka qenë e kapur. Sot drejtësia doni apo s’doni ju, e ata që bëjnë kua kua apo ata që u shkojnë nga prapa. Drejtësinë e ka çliruar nga kontrolli i pushtetit politik, forca politike që unë kam privilegjin të udhëheq për të bërë luftë majtas e djathtas.”
