Policia e Fierit ka finalizuar operacionin antidrogë “Price”, duke arrestuar 28-vjeçarin E. M., i cili shiste kokainë dhe kanabis me vlerë 90 mijë euro nga banesa e tij.
Po ashtu, është arrestuar dhe blerësi R. N., 30 vjeç. Gjatë operacionit janë sekuestruar 508 gramë kokainë, qindra doza kanabisi, pajisje për ndarjen e drogës, 8 celularë dhe 2 automjete.
Në hetim janë dërguar katër blerës të tjerë, përfshirë dy të rinj 16 dhe 17 vjeç. Materialet e çështjes kaluan për veprime të mëtejshme në Prokurorinë e Fierit.
