Policia ka ndaluar 40-vjeçari, F. K., i shpallur në kërkim për vepra penale të lidhura me heqjen e paligjshme të lirisë dhe kanosje për dhënie pasurie. Ai, në bashkëpunim me shtatë persona të tjerë, mori peng një 35-vjeçar në korrik 2024 dhe e kanosi për t’i kërkuar pasuri.
40-vjeçari u kap pasi iu prezantua policisë me gjeneralitete të rreme. Sipas njoftimit të policisë, ndaj tij është caktuar masa e sigurisë “Arrest në burg”.
Ky arrest është pjesë e operacionit “The Debt”, që ka çuar gjithashtu në arrestimin e disa personave të tjerë për të njëjtin rast.
