Në seancën në Gjykatën e Posaçme mësohet se nuk janë ndalur replikat mes kreytarit të Bashkisë së Tiranës Erion Veliajt dhe prokurorit.
Veliaj ka thënë në gjykatë se akoma nuk e di arsyen se përse është arrestuar pasi ka punuar edhe të shtunave dhe të dielave duke i rënë në hak familjes. Ai ka dëshmuar se vila në Qerret nuk është e tyre dhe bashkëshortja e tij është përndjekur në mënyrë perverse.
“Nuk më është shpjeguar edhe sot pse jam i arrestuar, unë jam kryetar bashkie që jam votuar nga populli i Tiranës kam bërë detyrën time. I kam hyrë në hak familjes se kam punuar edhe të shtunë edhe të diele edhe për festa kam punuar. Por mallkuat qoftë ai që punon në këtë vend , se bëhet objekt sulmi dhe gjendet në këtë situatë qe jam unë sot. Vila në qerret nuk është e jona, është e natyrshme që aty do gjenden lodrat e fëmijës tim dhe se bashkëshortja ime është fëmijë i vetëm dhe vjehrra ime dhe nuk e di pse duket kaq e panatyrshme që të jenë lodrat e fëmijës tek shtëpia e gjyshes. Bashkëshortja ime është kryezonjë dhe është përndjekur në mënyrë perverse”, ka thënë Veliaj.
Ndërsa prokurori i ka kërkuar që të ruajë etikën në komunikim.
Veliaj ka replikuar duke thënë: Pse të dogji? Nuk përmenda emra dhe me këtë fjali kam parasysh median e politikën
Prokurori: Sepse i ke shkruar ne Facebook, këtu nuk je në Facebook ndaj përmbahu provave dhe fakteve.
Prokurori sërish: Të gjitha veshjet kishin kod unik dhe ishin veshje personale buzëkuq dhe bizhuteri.
