Hamasi tha se do të lirojë tre pengje të tjerë izraelitë siç ishte planifikuar, duke hapur rrugën drejt zgjidhjes së një mosmarrëveshjeje të madhe mbi armëpushimin në Rripin e Gazës.
Hamasi kishte kërcënuar se do të vononte lirimin e radhës të pengjeve, duke akuzuar Izraelin se nuk po përmbushte detyrimet të tij për të lejuar ngritjen e tendave dhe strehimeve për palestinezët e kthyer në shtëpitë e tyre të shkatërruara.
Me mbështetjen e Presidentit amerikan Donald Trump, Izraeli kishte kërcënuar se do të rifillonte ofensivën nëse pengjet nuk liroheshin.
Menjëherë pas njoftimit, zëdhënësi i Hamasit Abdul Latif al-Qanou konfirmoi për agjencinë e lajmeve Associated Press me telefon se tre pengje do të lirohen të shtunën.
