Ditën e sotme policia ka arrestuar një 48-vjeçar dhe një 31-vjeçar. 48-vjeçari i cili ishte pronar së bashku me bashkëpunëtorine tij kishin përshtatur lokalin në fshatin Vashtmi të Maliqit për të luajtur Poker.
Gjatë kontrollit nga policia u gjetën dhe u sekuestruan në cilësinë e provës materiale 1 tavolinë Pokeri, letra bixhozi, 4 celularë dhe shuma parash të përfituara nga loja.
Ndërsa u proceduan penalisht 12 persona të cilët u kapën duke luajtur në lokal. Ndërkohë materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
