Sipas mediave serbe bëhet me dije Shefi i Policisë së Beogradit, Veselin Miliç, është arrestuar sot në kuadër të një hetimi të gjerë që po zhvillohet për zhdukjen e Aleksandar Nesoviç, i njohur si “Baja”, i cili u pa për herë të fundit më 12 maj 2026, pas qëndrimit në restorantin “27” në zonën e Senjakut në Beograd.
Sipas prokurorisë serbe nël Beograd, Miliç dyshohet se nuk ka raportuar një krim dhe autorin e tij, si dhe se ka ndihmuar një shkelës pas kryerjes së tij.
Ministria e Brendshme serbe tha në një njoftim për shtyp se Miliç “nuk ishte më kreu i Departamentit të Policisë së Beogradit”, pa shpjeguar nëse ai kishte dhënë dorëheqjen apo ishte shkarkuar.
Të enjten, Zyra e Prokurorit të Lartë tha se kishte marrë një raport nga Drejtoria e Policisë Kriminale se një person i quajtur JM kishte raportuar zhdukjen e partnerit të saj, AN. Ajo deklaroi se hera e fundit që dëgjoi nga AN ishte rreth orës 23:00 të së martës, ndërsa ai ishte në një restorant në Beograd.
Prokuroria filloi një hetim në restorant të mërkurën, ku gjeti dy gëzhoja dhe gjurmë gjaku që besohet se i përkisnin burrit të zhdukur, AN.
Të enjten, Zyra e Prokurorit tha se dy të dyshuar, të identifikuar vetëm si SV dhe MS, ishin arrestuar me dyshimin për tentativë vrasjeje të rëndë, posedim të paligjshëm të armëve dhe shkaktim të rrezikut të përgjithshëm. Gruaja e SV u arrestua më vonë gjithashtu me dyshimin se kishte sjellë pistoletën që u përdor për të qëlluar ndaj AN.
Pronari i restorantit ku ndodhi përplasja u arrestua të enjten me dyshimin për ndihmë ndaj një shkelësi pas kryerjes së një vepre penale dhe moskallëzimit të një krimi dhe autorit të tij. Të katër personat u ndaluan deri në 48 orë.
Miliç u emërua kreu i policisë së Beogradit në nëntor 2020. Ai më parë ishte kreu i policisë së Beogradit nga viti 2013 deri në vitin 2018, pas së cilës u bë këshilltar i Presidentit Aleksandar Vuçiç për luftimin e korrupsionit dhe krimit.
