Një rast i fëmijës me temperaturë në Kopshtin Nr. 1 në qytetin e Laçit ka ngritur shqetësimin e autoriteteve lokale.
Pas disa ditësh me temperaturë, fëmija është dërguar në spitalin e QSUT-së, ku ka rezultuar i prekur nga dizenteria. Menjëherë janë njoftuar institucionet përkatëse të Bashkisë Kurbin dhe Shëndetit Publik për të hetuar mundësinë e një shpërthimi të infeksionit.
Në përpjekje për të parandaluar përhapjen e sëmundjes, Bashkia ka organizuar një grup pune dhe ka nisur dezinfektimin e ambienteve të kopshtit. Po ashtu, Instituti i Shëndetit Publik ka marrë mostra për analiza dhe kopshti do të rihapet vetëm pas marrjes së rezultateve.
