Mbi 165,000 emigrantë kanë aplikuar për t’u regjistruar në zgjedhjet parlamentare të 11 majit. Sipas të dhënave të përditësuara nga Komisioni Qendror i Zgjedhjeve (KQZ), janë miratuar rreth 132,000 kërkesa, ndërsa mbi 33,000 aplikime janë refuzuar për shkak të gabimeve në aplikim apo mungesës së dokumentacionit të duhur.
Aplikimet më të refuzuara vijnë nga emigrantët në Itali, Greqi dhe Gjermani, për shkak të adresave të paqarta ose të gabuara. Ndërkohë, numri më i madh i aplikimeve është regjistruar nga emigrantët që i përkasin qarqeve të Tiranës dhe Fierit.
