Përfaqësues të Partisë së Lirisë kanë zhvilluar një takim me shqiptarët në milano. Kryetari i Partisë së Lirisë Ilir Meta i cili ndodhet në burg shprehet se drejtuesit e partisë kanë prezantuar 5 prioritete madhore për 4 milionë shqiptarë.
Meta u bën thirrje shqiptarëve në diasporë që të regjistrohen me 11 maj pasi është mundësia e tyre historike për të ndëshkuar me votë. Ai nënvizon që vota e diasporës është për rotacionin, ndryshimin dhe shpëtimin e Shqipërisë nga narkoshteti që dëboi në emigrim mbi 1 milionë shqiptarë.
“U bëj thirrje të gjithë njerëzve tanë në diasporë të regjistrohen sa më parë, se 11 Maji është mundësia e tyre historike për të ndëshkuar me votë atë që i largoi qëllimisht, që i la prindërit e tyre me pensione mjerane, që u zhvlerëson çdo ditë edhe remitancat që dërgoni për prindërit me 50% të vlerës së tyre.
Çdo votë e juaja është votë për rotacionin, për ndryshimin dhe për shpëtimin e shumëpritur të Shqipërisë nga Narkoshteti që dëboi në emigrim mbi 1 milion shqiptarë!
Diaspora jonë e hershme dhe e re është krenari dhe pasuri e çmuar kombëtare, prioritet i Partisë së Lirisë!”, shkruan Meta në rrjetin social në facebook.
