Presidenti francez, Emmanuel Macron, ka hedhur poshtë mundësinë e dërgimit të ushtarëve francezë në Ukrainë. Ai theksoi se Franca nuk po planifikon të dërgojë trupa tokësore në zonat e luftës.
Megjithatë, Macron tha se po shqyrtohet mundësia e dërgimit të ekspertëve ose trupave në kushte të kufizuara, jashtë zonave të përfshira në konflikt, për të ofruar ndihmë dhe solidaritet.
“Franca nuk po përgatitet të dërgojë trupa tokësore, palë ndërluftuese në një konflikt, në front.”, u shpreh Macron.
Ai gjithashtu përmendi mundësinë e një operacioni paqeruajtës nën mandatin e Kombeve të Bashkuara në vijën e frontit si pjesë e negociatave për një marrëveshje paqeje.
