Lidhja Demokratike e Kosovës ka arritur një marrëveshje parimore për bashkëpunim me ish-presidenten Vjosa Osmani në zgjedhjet e 7 qershorit.
Sipas deputetit të LDK-së, Armend Zemaj, bashkëpunimi është ideologjikisht i përafërt, ndërsa secila palë ruan subjektivitetin e vet dhe garimi do të bëhet brenda listës me logon e LDK-së.
“Ajo që është diskutuar dhe na është paraqitur nga kryetari është një bashkëpunim parimor dhe ideologjikisht i përafërt me LDK-në, duke ruajtur subjektivitetin e secilit në këtë garë zgjedhore brenda listës së LDK-së. Mund të jetë rreth 20 anëtarë të rinj nga ajo që propozon, besoj që do të jenë emra që i përshtaten edhe profilit të së djathtës.”
