Një shqiptar 45-vjeç, i shpallur në kërkim ndërkombëtar për lidhje me trafikun e drogës, është arrestuar sot në Tiranë pas një operacioni të koordinuar mes autoriteteve shqiptare dhe italiane.
Ai kërkohej nga Interpol për një urdhër arresti të lëshuar nga Lyon, Francë, dhe kishte qëndruar kryesisht në Dubai.
Më parë kishte jetuar në Mestre, pranë Venecias, ku dyshohet të ketë qenë pjesë e një rrjeti kriminal për trafikun e kokainës.
Arrestimi u realizua në kuadër të operacionit ndërkombëtar “Wanted”, për kapjen e personave me rrezikshmëri të lartë.
