Në orët e para të mëngjesit të sotëm policia ka nisur një aksion blic në qytetin e Shkodrës. Aksioni policor ka nisur rreth orës 05:30 dhe dyshohet se ka lidhje me masakrën e Dobraçit. Ende nuk ka informacion nëse ka persona të arrestuar apo të shoqëruar.
Raportohet se forcat RENEA kanë zbarkuar në banesën e Safet Bajrit dhe pritet shoqërimi i tij për t’u marrë në pyetje nga policia.
Në masakrën në Dobraç më 30 tetor, humbën jetën katër persona, Hamza Lici, Arlind Bushati dhe dy qytetarë të pafajshëm, çifti Flutura dhe Bashkim Basha.
Ndërkohë dy nga të dyshuarit që kanë lidhje me masakrën, Izmir Sakicaj dhe Samuel Troshani ndodhen në burgun e Reçi. Atyre do u komunikohet masa e re u vetëdorëzuan në polici për një tjetër vepër penale që akuzoheshin. Ndërsa dy të dyshuarit e tjerë nuk janë gjetur ende.
Prokuroria e Shkodrës ka shpallur moskompetencën, duke ia kaluar dosjen Prokurorisë së Posaçme pë arsye se ka dyshime se ngjarja është kryer nga një grup i strukturuar kriminal.
