Ditën e sotme rreth orës 11:30 në adresën e një shkolle private në zonën e Misto-Mames, ka ardhur e-mail i shkruar anglisht në të cilin thuhej se në ambientet e shkollës ishte vendosur një bombë, e cila do të shpërthente për 43 minuta.
Menjëherë në vendngjarje kanë shkuar shërbimet e policisë dhe Njësia Antieksploziv ku kanë bërë evakuimin e nxënësve dhe stafit të shkollës.
Ndërkohë po vijon kryerja e kontrollit dhe verifikimeve përkatëse nëse njoftimi është i rremë.
Ndërsa shërbimet e Policisë, strukturat e Antiterrorit në bashkëpunim me specialistët për Hetimin e Krimit Kibernetik po punojnë për sqarimin e rrethanave dhe identifikimin e autorëve.
