Kryetarja e Kuvendit Elisa Spiropali priti sot në Tiranë Sekretarin e Përgjithshëm të Këshillit të Europës Alain Berset.
Në takim u diskutua bashkëpunimi dhe kontributi i Shqipërisë në Këshillin e Europës si edhe kontributin aktiv të delegacionit të Kuvendit në Asamblenë Parlamentare.
Gjithashtu u diskutua edhe mbështjetja e KiE dhe arritjet e Shqipërisë në sundimin e ligjit, respektimin dhe zbatimin e të drejtave të njeriut, fuqizimin e institucioneve dhe vlerave demokratike, avancimin e reformave drejt anëtarësimit në BE, bashkëpunimin në organizatat shumëpalëshe ndërkombëtare dhe mbështetjen e vendosur për Ukrainën.
Spiropali i transmetoi Sekretarit të Përgjithshëm Berset kërkesën e Shqipërisë që Kosova të pranohet sa më parë në KiE, si një faktor për bashkëpunimin, sigurinë dhe paqen në rajon.
